पंचायत समिती सभापती, उपसभापती कोण? आज होणार स्पष्ट. ...
Who will be the Panchayat Samiti Chairman and Deputy Chairman? It will be clear today.
Who will be the Panchayat Samiti Chairman and Deputy Chairman? It will be clear today. परंडा - रंगोली न्युज दि. ६) परंडा पंचायत समितीच्या सभापती व उपसभापती पदाची आज निवड होणार असून पंचायत समितीचा कारभार हाकण्यासाठी दुपारी २ वाजता नुतन सदस्यांची विशेष सभा बोलावण्यात आली आहे.
धराशिव जिल्ह्यातील परंडा पंचायत समितिची दि. ९ फेब्रुवारी रोजी सार्वत्रीक निवडणुक पार पडली. या नवनिर्वाचित सदस्यांमधून सभापती व उपसभापती पदाची आज दि. ६ रोजी निवड होणार आहे. परंडा पंचायत समिती सभापती उपसभापती पदाच्या निवडणुकीची सभा पिठासन अधिकारी तथा उपजिल्हाधिकारी (भूसंपादन, मांजरा प्रकल्प) श्रीकांत पाटील यांच्या प्रमुख उपस्थितीमध्ये होणार आहे. आज दि. ६ रोजी दुपारी १२ वा. पर्यंत नामनिर्देशन प्रक्रीया होणार असून, तर दुपारी २ वा. नुतन सदस्यांची विशेष सभा बोलावण्यात आली आहे.
परंडा पंचायत समितीसाठी दि. ९ फेब्रुवारी रोजी पार पडलेल्या निवडणुकीमध्ये शिवसेना (शिंदे गट) ६, राष्ट्रवादी काँग्रेस २, भाजपा १ व शिवसेना (ठाकरे गट) १ असे उमेदवार निवडून आले आहेत. परंडा पंचायत समितीच्या १० सदस्यांपैकी ६ सदस्य हे शिवसेना (शिंदे गट) यांचे निवडून आले असल्याने सभापती व उपसभापती हे शिवसेना शिंदे गट यांचेच होणार असल्याच दिसत आहे. परंडा पंचायत समितीच्या सभापती व उपसभापती पदावर कोणाला स्थान द्यायचे हे आ. प्रा. डॉ. तानाजी सावंत हे निश्चित करणार आहेत. आज दुपारी २ वा. नंतर परंडा प. स. सभापती व उपसभापती कोण हे स्पष्ट होणार आहे.
[ ] यांच्या नावांची चर्चा. ...
सभापती पदासाठी शिवसेना तालुकाप्रमुख अण्णासाहेब जाधव यांच्या पत्नी अर्चना जाधव, विकासरत्न प्रा. तानाजीराव सावंत प्रतिष्ठानचे कार्यकर्ते तानाजी कोलते यांच्या मातोश्री मालनबाई कोलते व रेश्मा गायकवाड यांची नावे सभापती पदासाठी चर्चेत आहेत. तर उपसभापती पदासाठी समाधान नलवडे, परसू गवारे, व बापूराव भिलारे यांची नावे चर्चेत आहेत.
.jpeg)
.jpeg)
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!