ग्लोबल विद्यालयाच्या प्रेरणा मेहेरची लातूर विभागीय ज्युदो स्पर्धेसाठी निवड. ज्युदोच्या मैदानात प्रेरणाची दमदार झेप; धाराशिव जिल्ह्यात प्रथम क्रमांक. Prerana Meher from Global Vidyalaya has been selected for the Latur Divisional Judo Competition.

ग्लोबल विद्यालयाच्या प्रेरणा मेहेरची लातूर विभागीय ज्युदो स्पर्धेसाठी निवड.

ज्युदोच्या मैदानात प्रेरणाची दमदार झेप; धाराशिव जिल्ह्यात प्रथम क्रमांक.

Prerana Meher from Global Vidyalaya has been selected for the Latur Divisional Judo Competition.

परंडा, दि. १५ (रंगोली न्युज) — Prerana Meher from Global Vidyalaya has been selected for the Latur Divisional Judo Competition.  जिद्द, चिकाटी आणि आत्मविश्वासाच्या जोरावर ग्लोबल विद्यालय, पिंपरखेड येथील विद्यार्थिनी कु. प्रेरणा नारायण मेहेर हिने ज्युदोच्या मैदानात उल्लेखनीय कामगिरी करत धाराशिव जिल्ह्यात प्रथम क्रमांक पटकावला. तिच्या या यशामुळे तिची लातूर विभागीय शालेय ज्युदो स्पर्धेसाठी निवड झाली आहे.

तालुका क्रीडा संकुल, गुंजोटी (उमरगा) येथे दि. १५ सप्टेंबर २०२६ रोजी शालेय जिल्हास्तरीय ज्युदो स्पर्धेचे आयोजन करण्यात आले होते. या स्पर्धेत १४ वर्षे वयोगटातील ४० किलो वजन गटात प्रेरणा मेहेर हिने सहभाग घेत दमदार कामगिरी केली.

स्पर्धेदरम्यान प्रेरणाने उत्कृष्ट तंत्र, चपळ हालचाली, आत्मविश्वास आणि आक्रमक खेळाचे दर्शन घडवत प्रतिस्पर्ध्यांवर मात केली. आपल्या खेळातील सातत्यपूर्ण कामगिरीच्या जोरावर तिने जिल्हास्तरावर प्रथम क्रमांक मिळवत लातूर विभागीय स्पर्धेतील आपले स्थान निश्चित केले.

ग्रामीण भागातील खेळाडूंच्या गुणवत्तेला मिळाली संधी

प्रेरणाच्या या यशामुळे ग्लोबल विद्यालयाच्या क्रीडा क्षेत्रातील यशात आणखी एक मानाचा तुरा रोवला गेला आहे. ग्रामीण भागातील विद्यार्थ्यांमध्येही क्रीडा क्षेत्रात मोठी गुणवत्ता व क्षमता असून, योग्य मार्गदर्शन, सराव आणि संधी मिळाल्यास ते जिल्हा व विभागीय स्तरावर उल्लेखनीय कामगिरी करू शकतात, हे प्रेरणाच्या यशातून अधोरेखित झाले आहे.

प्रेरणाच्या या उल्लेखनीय कामगिरीमागे तिचे वडील नारायण मेहेर यांचेही मोलाचे योगदान आहे. त्यांनी दिलेले प्रोत्साहन आणि पाठबळ प्रेरणाच्या क्रीडा प्रवासासाठी महत्त्वपूर्ण ठरले.

ग्लोबल विद्यालयाकडून अभिनंदन

प्रेरणा मेहेर हिच्या यशाबद्दल ग्लोबल एज्युकेशनल इन्स्टिट्यूटचे संस्थापक अध्यक्ष गोरख मोरजकर व सचिव आशाताई मोरजकर, तसेच मुख्याध्यापक, शिक्षकवृंद, क्रीडा मार्गदर्शक आणि पालकांनी तिचे अभिनंदन केले.

लातूर विभागीय ज्युदो स्पर्धेसाठी निवड झाल्याबद्दल प्रेरणाला शुभेच्छा देण्यात आल्या असून, आगामी स्पर्धेतही तिने उत्कृष्ट कामगिरी करून विद्यालयाचे नाव उज्ज्वल करावे, अशी अपेक्षा व्यक्त करण्यात आली.

प्रेरणाच्या या यशामुळे ग्लोबल विद्यालयात आनंदाचे आणि उत्साहाचे वातावरण निर्माण झाले आहे. तिच्या कामगिरीचे परिसरातूनही कौतुक होत आहे.

आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.

👉 रंगोली News 👉 www.rangolinews1.com या संकेतस्थळाला भेट द्या!