ऑनलाइन सोडतीत निवड झालेल्या शेतकऱ्यांना प्रमाणित सोयाबीन बियाण्यांचे वाटप. Distribution of certified soybean seeds to farmers selected through an online draw.

ऑनलाइन सोडतीत निवड झालेल्या शेतकऱ्यांना प्रमाणित सोयाबीन बियाण्यांचे वाटप.

कृषी विभागाच्या मार्गदर्शनाखाली परंडा येथे कार्यक्रम संपन्न.

Distribution of certified soybean seeds to farmers selected through an online draw.

परंडा, दि. ९ (रंगोली न्यूज) – Distribution of certified soybean seeds to farmers selected through an online draw. धाराशिव जिल्ह्यातील परंडा येथे कृषी विभागाच्या मार्गदर्शनाखाली एप्रिल व मे महिन्यात ऑनलाइन पद्धतीने घेण्यात आलेल्या बियाणे सोडतीत निवड झालेल्या शेतकऱ्यांना प्रमाणित सोयाबीन बियाण्यांचे वाटप करण्यात आले. हा कार्यक्रम परंडा येथील समर्थ कृषी सेवा केंद्रात उत्साहपूर्ण वातावरणात पार पडला.

यावेळी तालुका कृषी अधिकारी नानासाहेब लांडगे तसेच मंडळ कृषी अधिकारी एस. के. माळी यांच्या उपस्थितीत शेतकऱ्यांना प्रमाणित सोयाबीन बियाण्यांचे वितरण करण्यात आले. समर्थ कृषी सेवा केंद्राचे संचालक बालाजी गव्हाणे यांच्या सहकार्याने हा उपक्रम राबविण्यात आला.

बियाणे वाटप कार्यक्रमादरम्यान उपस्थित अधिकाऱ्यांनी शेतकऱ्यांना खरीप हंगामातील आधुनिक शेती तंत्रज्ञान, बियाण्यांची योग्य निवड तसेच उत्पादनवाढीसाठी आवश्यक उपाययोजनांबाबत मार्गदर्शन केले. यावेळी शेतकऱ्यांना बीबीएफ (Broad Bed Furrow) पद्धतीने पेरणी, बीजप्रक्रिया, जैविक कीटकनाशकांचा वापर, तसेच मिश्र पीक पद्धतीचा अवलंब याविषयी सविस्तर माहिती देण्यात आली. हवामानातील बदलांचा विचार करून पीक व्यवस्थापन करण्याचे आवाहनही कृषी विभागाच्या वतीने करण्यात आले.

यावर्षी कृषी क्षेत्रातील महिलांच्या योगदानाला विशेष अधोरेखित करण्याच्या उद्देशाने महिला शेतकऱ्यांना प्राधान्य देण्याबाबतही मार्गदर्शन करण्यात आले. कृषी विकासात महिलांची भूमिका अत्यंत महत्त्वाची असून त्यांना विविध शासकीय योजनांचा लाभ घेण्यासाठी पुढे येण्याचे आवाहन अधिकाऱ्यांनी केले.

या कार्यक्रमास सहाय्यक कृषी अधिकारी विनोद भाग्यवंत, गणेश नेटके, बागायतदार व्ही. थिटे, मनोज पाटील, रामराजे गव्हाणे, अनिल घावले यांच्यासह परिसरातील अनेक शेतकरी व कृषी क्षेत्रातील पदाधिकारी उपस्थित होते.

कार्यक्रमामुळे निवड झालेल्या शेतकऱ्यांना दर्जेदार प्रमाणित बियाणे उपलब्ध झाल्याने समाधान व्यक्त करण्यात आले असून, आगामी खरीप हंगामासाठी शेतकऱ्यांचा उत्साह वाढल्याचे चित्र पाहायला मिळाले.

आपल्या परिसरातील बातम्या व इतर घडामोडी 🤳 पहाण्यासाठी

👉 रंगोली न्युज 👉 www.rangolinews1.com या संकेतस्थळाला भेट द्या!

0 Comments

रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!