प्रधानमंत्री मातृत्व सन्मान योजनेअंतर्गत उपजिल्हा रुग्णालय परंडा येथे मासिक आरोग्य शिबिर उत्साहात. A monthly health camp was held with great enthusiasm at the Sub-District Hospital, Paranda, under the Pradhan Mantri Matrutva Samman Yojana.

प्रधानमंत्री मातृत्व सन्मान योजनेअंतर्गत उपजिल्हा रुग्णालय परंडा येथे मासिक आरोग्य शिबिर उत्साहात.

A monthly health camp was held with great enthusiasm at the Sub-District Hospital, Paranda, under the Pradhan Mantri Matrutva Samman Yojana.

परंडा दि. ९ (रंगोली न्यूज) – A monthly health camp was held with great enthusiasm at the Sub-District Hospital, Paranda, under the Pradhan Mantri Matrutva Samman Yojana. धाराशिव जिल्ह्यातील उपजिल्हा रुग्णालय, परंडा येथे प्रधानमंत्री मातृत्व सन्मान योजनेअंतर्गत आयोजित मासिक आरोग्य शिबिर "Monthly Health Camp" मंगळवारी (दि. ९ जून) उत्साहपूर्ण व जनहितकारी वातावरणात पार पडले. दर महिन्याच्या ९ तारखेला नियमितपणे आयोजित करण्यात येणाऱ्या या उपक्रमामध्ये गर्भवती माता भगिनींच्या सर्वांगीण आरोग्याची तपासणी व मार्गदर्शन करण्यात आले.

कार्यक्रमास वैद्यकीय अधीक्षक डॉ. जुबेर मोमीन (बालरोग तज्ज्ञ) यांची प्रमुख उपस्थिती लाभली. त्यांनी मातृआरोग्य, प्रसूतीपूर्व काळजी तसेच नवजात बालकांच्या संगोपनाबाबत मार्गदर्शन केले. संपूर्ण कार्यक्रम जिल्हा शल्य चिकित्सक डॉ. धनंजय चाकुरकर (भूलतज्ज्ञ) यांच्या मार्गदर्शनाखाली यशस्वीरीत्या पार पडला.

यावेळी डॉ. देवदत्त कुलकर्णी, डॉ. आनंद मोरे, डॉ. हाश्मी, डॉ. आकाश जाधवर व डॉ. बोराडे यांनी गर्भवती महिलांच्या नियमित आरोग्य तपासणीचे महत्त्व, सोनोग्राफी, रक्त तपासणी, पोषणयुक्त आहार, लसीकरण तसेच प्रसूतीपूर्व व प्रसूतीनंतर घ्यावयाची काळजी याविषयी सविस्तर माहिती दिली.

तसेच डॉ. जुबेर मोमीन, डॉ. देवदत्त कुलकर्णी, डॉ. आनंद मोरे आणि वरिष्ठ परिचारिका थिटे सिस्टर यांनी संयुक्तपणे प्रधानमंत्री मातृत्व सन्मान योजनेचे उद्दिष्ट, लाभ, तपासण्यांचे वेळापत्रक आणि माता-बाल आरोग्य संवर्धनासाठी शासनाच्या विविध उपक्रमांची माहिती उपस्थित महिलांना दिली.

कार्यक्रमास सह अधीक्षक पवार यांच्यासह रुग्णालयातील सर्व वैद्यकीय अधिकारी, परिचारिका व कर्मचारी मोठ्या संख्येने उपस्थित होते. यामध्ये अमोल आंबेडकर, सुलोचना केसकर, सवताडकर, कुठे, दूधकवडे तसेच इतर कर्मचाऱ्यांनी सक्रिय सहभाग नोंदविला.

परंडा परिसरातील मोठ्या संख्येने गर्भवती माता भगिनींनी शिबिरात सहभाग घेत आरोग्य तपासणी, रक्त तपासणी, सोनोग्राफी तसेच तज्ज्ञ डॉक्टरांचे मार्गदर्शन यांचा लाभ घेतला.

शिबिरामध्ये सर्वांगीण आरोग्य तपासणी, रक्त तपासणी, सोनोग्राफी सुविधा, पोषण व आहार मार्गदर्शन, आवश्यकतेनुसार मोफत औषधोपचार तसेच गर्भवती महिलांचे समुपदेशन या सेवा मोफत उपलब्ध करून देण्यात आल्या.

मातामृत्यू दर कमी करणे, सुदृढ बालकांच्या जन्मास प्रोत्साहन देणे आणि माता-बाल आरोग्याबाबत जनजागृती वाढविणे या उद्देशाने राबविण्यात येणारा हा उपक्रम ग्रामीण व शहरी भागातील महिलांच्या आरोग्य सक्षमीकरणासाठी महत्त्वपूर्ण ठरत असल्याचे यावेळी सांगण्यात आले.

वैद्यकीय अधिकारी, परिचारिका व कर्मचाऱ्यांच्या संयुक्त प्रयत्नांमुळे हा कार्यक्रम यशस्वीरीत्या पार पडला असून भविष्यातही अशा आरोग्यविषयक उपक्रमांचे सातत्याने आयोजन करून माता व बाल आरोग्य अधिक सक्षम करण्याचा निर्धार व्यक्त करण्यात आला.

आपल्या परिसरातील बातम्या व इतर घडामोडी 🤳 पहाण्यासाठी 

👉 रंगोली न्युज 👉 www.rangolinews1.com या संकेतस्थळाला भेट द्या!