आर्थिक विवंचनेतून आत्महत्या केलेल्या प्रथमेश देशमुखच्या कुटुंबीयांची गृहराज्यमंत्री योगेश कदम यांच्याकडून भेट
आमदार डॉ. तानाजीराव सावंत यांच्या वतीने दोन लाखांची मदत; शासकीय योजनांचा लाभ देण्याच्या अधिकाऱ्यांना सूचना
 |
| Minister of State for Home Yogesh Kadam meets the family of Prathamesh Deshmukh, who committed suicide due to financial hardship. |
परंडा, दि. १२ (रंगोली न्यूज) — Minister of State for Home Yogesh Kadam meets the family of Prathamesh Deshmukh, who committed suicide due to financial hardship. धाराशिव जिल्ह्यातील परंडा तालुक्यातील खसापुरी येथील एमपीएससी परीक्षेची तयारी करणाऱ्या प्रथमेश देशमुख या विद्यार्थ्याचा पुणे येथे आर्थिक विवंचनेतून मृत्यू झाल्याची घटना दि. ९ सप्टेंबर रोजी घडली होती. या घटनेच्या पार्श्वभूमीवर राज्याचे गृहराज्यमंत्री योगेश कदम यांनी दि. ११ सप्टेंबर रोजी खसापुरी येथे देशमुख कुटुंबीयांची भेट घेऊन सांत्वन केले.
यावेळी प्रथमेशच्या कुटुंबीयांना भावना अनावर झाल्या. गृहराज्यमंत्री कदम यांनी कुटुंबीयांशी संवाद साधून त्यांना धीर दिला. आमदार डॉ. तानाजीराव सावंत यांच्या वतीने देशमुख कुटुंबीयांना दोन लाख रुपयांच्या मदतीचा धनादेश यावेळी देण्यात आला.
देशमुख कुटुंबाला घरकुल, संजय गांधी निराधार योजना तसेच इतर पात्र शासकीय योजनांचा लाभ मिळवून देण्यात यावा, अशा सूचना गृहराज्यमंत्री योगेश कदम यांनी संबंधित अधिकाऱ्यांना दिल्या. कुटुंबाच्या परिस्थितीचा विचार करून शासनाच्या विविध योजनांचा लाभ मिळवून देण्यासाठी प्रशासनाने आवश्यक कार्यवाही करावी, असेही त्यांनी सांगितले.
यावेळी एमपीएससीसह स्पर्धा परीक्षांची तयारी करणाऱ्या विद्यार्थ्यांच्या अडचणींचाही मुद्दा उपस्थित झाला. सारथी योजनेचा लाभ अधिकाधिक विद्यार्थ्यांना मिळावा यासाठी लाभार्थी संख्या वाढविण्याचे आश्वासन गृहराज्यमंत्री कदम यांनी दिले.
या भेटीप्रसंगी जिल्हाप्रमुख दत्ता साळुंखे, जयप्रकाश राजेनिंबाळकर, सुधीर पाटील, नगराध्यक्ष जाकिर सौदागर, अण्णासाहेब जाधव, नवनाथ जगताप, राहुल डोके, मेघराज पाटील, तहसीलदार निलेश काकडे यांच्यासह अधिकारी व पदाधिकारी उपस्थित होते.
आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.
👉 रंगोली News 👉 www.rangolinews1.com या संकेतस्थळाला भेट द्या!
.jpeg)
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!