धाराशिवच्या २० गुणवंत विद्यार्थ्यांची नासाभेट; पालकमंत्री प्रताप सरनाईक यांच्या प्रयत्नांना यश गुणवत्तेच्या आकाशाला आता अंतराळाची झेप; ग्रामीण भागातील विद्यार्थ्यांना मिळणार जगातील सर्वोच्च अवकाश संशोधनाची अनुभूती. 20 talented students of Dharashiv meet with misfortune; Guardian Minister Pratap Sarnaik's efforts succeed

धाराशिवच्या २० गुणवंत विद्यार्थ्यांची नासाभेट; पालकमंत्री प्रताप सरनाईक यांच्या प्रयत्नांना यश

गुणवत्तेच्या आकाशाला आता अंतराळाची झेप; ग्रामीण भागातील विद्यार्थ्यांना मिळणार जगातील सर्वोच्च अवकाश संशोधनाची अनुभूती

20 talented students of Dharashiv meet with misfortune; Guardian Minister Pratap Sarnaik's efforts succeed

परंडा दि. १४ (रंगोली न्यूज) — 20 talented students of Dharashiv meet with misfortune; Guardian Minister Pratap Sarnaik's efforts succeed धाराशिव जिल्ह्यातील ग्रामीण आणि सर्वसामान्य कुटुंबातील गुणवंत विद्यार्थ्यांच्या स्वप्नांना आता आकाशाची सीमा उरलेली नाही. जिल्हा परिषद शिक्षण विभागाच्या नासास्थळीय परीक्षेत अंतिम निवड झालेल्या जिल्ह्यातील तब्बल २० गुणवंत विद्यार्थ्यांना अमेरिकेतील नासा (NASA) येथे प्रत्यक्ष भेट देण्याची ऐतिहासिक संधी मिळणार आहे. "There will be a historic opportunity to visit NASA in person in the United States." पालकमंत्री तथा परिवहन मंत्री प्रताप सरनाईक यांच्या विशेष प्रयत्नांतून विद्यार्थ्यांना ही अविस्मरणीय आणि प्रेरणादायी संधी उपलब्ध होत आहे.

धाराशिव जिल्हा परिषद शिक्षण विभाग, प्राथमिक विभागाच्या वतीने घेण्यात आलेल्या नासास्थळीय परीक्षेत जिल्ह्यातील विविध तालुक्यांमधून विद्यार्थ्यांनी सहभाग घेतला. अंतिम निवड यादीत भूम, परंडा, धाराशिव, उमरगा, कळंब, लोहारा, तुळजापूर आणि वाशी या आठ तालुक्यांतील एकूण २० विद्यार्थ्यांचा समावेश झाला आहे. ग्रामीण भागातील शाळांमध्ये शिक्षण घेणाऱ्या या विद्यार्थ्यांनी आपल्या गुणवत्ता, मेहनत, जिद्द आणि बुद्धिमत्तेच्या जोरावर ही उल्लेखनीय कामगिरी केली आहे.

तालुकास्तरावर गुणवत्तेची मोहोर

नासास्थळीय परीक्षेत निवड झालेल्या अनेक विद्यार्थ्यांनी आपल्या तालुक्यात उत्कृष्ट कामगिरी करत प्रथम क्रमांक पटकावला आहे. काही विद्यार्थ्यांनी गणित, विज्ञान आणि अन्य शैक्षणिक विषयांमध्ये विशेष प्रावीण्य सिद्ध केले आहे. मर्यादित शैक्षणिक सुविधा आणि ग्रामीण वातावरणातून पुढे येत या विद्यार्थ्यांनी मिळवलेले यश हे जिल्ह्यातील इतर विद्यार्थ्यांसाठीही प्रेरणादायी ठरणार आहे.

या विद्यार्थ्यांच्या यशामागे त्यांची मेहनत, शिक्षकांचे मार्गदर्शन, पालकांचा पाठिंबा आणि शिक्षण विभागाच्या विविध उपक्रमांचा महत्त्वाचा वाटा आहे. ग्रामीण भागातील विद्यार्थ्यांमध्येही मोठी बौद्धिक क्षमता असून, योग्य संधी मिळाल्यास ते राष्ट्रीय आणि आंतरराष्ट्रीय स्तरावर उल्लेखनीय कामगिरी करू शकतात, हे या निवडीमुळे पुन्हा एकदा अधोरेखित झाले आहे.

प्रत्यक्ष नासाभेटीमुळे ज्ञानविश्वाला नवी दिशा

लहानशा गावातील शाळेत शिक्षण घेणाऱ्या या विद्यार्थ्यांनी अंतराळ संशोधनाचे स्वप्न मनात बाळगले होते. आता तेच स्वप्न प्रत्यक्ष नासाला भेट देऊन अनुभवण्याची संधी त्यांना मिळणार आहे. नासामध्ये रॉकेट, उपग्रह, अंतराळयान, अवकाश संशोधन, वैज्ञानिक प्रयोग आणि अंतराळ तंत्रज्ञानाच्या विविध पैलूंची माहिती विद्यार्थ्यांना प्रत्यक्ष अनुभवता येणार आहे.

जगातील अत्याधुनिक अवकाश संशोधनाचा परिचय विद्यार्थ्यांना झाल्याने त्यांच्या ज्ञानाच्या कक्षा अधिक रुंदावतील. विज्ञान आणि तंत्रज्ञान क्षेत्रात भविष्यात करिअर करण्यासाठी आवश्यक असलेली प्रेरणा आणि आत्मविश्वास या नासाभेटीतून विद्यार्थ्यांना मिळेल, अशी अपेक्षा व्यक्त केली जात आहे.

पालकमंत्री प्रताप सरनाईक यांच्या प्रयत्नांना यश

धाराशिव जिल्ह्यातील गुणवंत विद्यार्थ्यांना आंतरराष्ट्रीय स्तरावरील संधी मिळावी, त्यांच्या प्रतिभेला योग्य व्यासपीठ मिळावे आणि ग्रामीण भागातील विद्यार्थ्यांमध्ये विज्ञान-तंत्रज्ञानाबाबतची उत्सुकता वाढावी, या उद्देशाने पालकमंत्री तथा परिवहन मंत्री प्रताप सरनाईक यांनी विशेष प्रयत्न केले. त्यांच्या प्रयत्नांना यश आल्याने जिल्ह्यातील २० गुणवंत विद्यार्थ्यांसाठी नासाभेटीचा मार्ग मोकळा झाला आहे.

या संधीमुळे विद्यार्थ्यांसोबतच त्यांच्या पालकांमध्ये आणि शिक्षकांमध्येही उत्साहाचे वातावरण निर्माण झाले आहे. ग्रामीण भागातून निवड झालेल्या या विद्यार्थ्यांची कामगिरी धाराशिव जिल्ह्याच्या शैक्षणिक क्षेत्रासाठी अभिमानाची बाब मानली जात आहे.

‘उद्याचा वैज्ञानिक भारत’ घडविण्याची प्रेरणा

“ग्रामीण भागातील मुलांमध्ये गुणवत्ता आणि प्रतिभेची अजिबात कमतरता नाही; गरज आहे ती त्यांच्या स्वप्नांना योग्य व्यासपीठ आणि संधी देण्याची. धाराशिवच्या या २० विद्यार्थ्यांची नासाभेट त्यांच्या आयुष्यातील अविस्मरणीय पर्व ठरेल. या विद्यार्थ्यांच्या डोळ्यांतून उद्याचा वैज्ञानिक भारत घडताना मला पाहायचा आहे,” अशी भावना पालकमंत्री प्रताप सरनाईक यांनी व्यक्त केली.

धाराशिवच्या ‘२० चांदण्यांची’ अंतराळभरारी

धाराशिवच्या मातीतून घडलेले हे २० गुणवंत विद्यार्थी आता अंतराळ संशोधनाच्या जागतिक केंद्राला भेट देणार आहेत. त्यांच्या या नासाभेटीकडे केवळ शैक्षणिक सहल म्हणून न पाहता, ग्रामीण भागातील विद्यार्थ्यांच्या स्वप्नांना मिळालेली आंतरराष्ट्रीय पातळीवरील संधी म्हणून पाहिले जात आहे.

या विद्यार्थ्यांच्या अनुभवातून जिल्ह्यातील इतर विद्यार्थ्यांनाही विज्ञान, तंत्रज्ञान, अंतराळ संशोधन आणि नवोन्मेषाच्या क्षेत्रात पुढे जाण्याची प्रेरणा मिळणार आहे. ग्रामीण महाराष्ट्रातील गुणवत्तेला जागतिक व्यासपीठाशी जोडणारी ही संधी धाराशिव जिल्ह्याच्या शैक्षणिक इतिहासातील एक महत्त्वपूर्ण, अभिमानास्पद आणि प्रेरणादायी घटना ठरणार आहे.

आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.

👉 रंगोली News 👉 www.rangolinews1.com या संकेतस्थळाला भेट द्या!