ग्लोबल एज्युकेशनल इन्स्टिट्यूटमध्ये गुणवंत विद्यार्थ्यांचा भव्य सत्कार.
 |
| Grand felicitation of meritorious students at Global Educational Institute. |
परंडा, दि. ६ (रंगोली न्यूज) : Grand felicitation of meritorious students at Global Educational Institute. विद्यार्थ्यांमध्ये स्पर्धात्मक वृत्ती, गुणवत्तापूर्ण शिक्षणाची आवड आणि यशाची प्रेरणा निर्माण करण्याच्या उद्देशाने ग्लोबल एज्युकेशनल इन्स्टिट्यूट, परंडा येथे परीक्षा परिषदेच्या वतीने घेण्यात आलेल्या शिष्यवृत्ती परीक्षा, अक्षरगंगा व इतर स्पर्धा परीक्षांमध्ये उल्लेखनीय यश संपादन करणाऱ्या गुणवंत विद्यार्थ्यांचा भव्य सत्कार सोहळा गुरुवारी (दि. ६ ऑगस्ट) उत्साहपूर्ण वातावरणात संपन्न झाला.
या कार्यक्रमात विद्यार्थ्यांच्या शैक्षणिक गुणवत्तेचा गौरव करण्यात आला. त्याचबरोबर शिक्षण क्षेत्रात उल्लेखनीय योगदान देणाऱ्या मान्यवरांचा सन्मान करून विद्यार्थ्यांसमोर प्रेरणादायी आदर्श उभा करण्यात आला. कार्यक्रमाच्या अध्यक्षस्थानी संस्थेचे संस्थापक-अध्यक्ष गोरख मोरजकर हे होते, तर प्रमुख पाहुण्या म्हणून संस्थेच्या सचिव आशाताई मोरजकर उपस्थित होत्या.
यावेळी अंतरगाव हायस्कूलचे माजी मुख्याध्यापक रामचंद्र वाघमारे यांचा सेवापूर्तीनिमित्त त्यांच्या सहचारिणी मेघना वाघमारे, मुलगा व सून यांच्यासह सहकुटुंब सन्मान करण्यात आला. तसेच शासकीय सेवेत कायमस्वरूपी नियुक्ती झाल्याबद्दल मनिषा जगताप यांचा विशेष सत्कार करण्यात आला. पालक प्रतिनिधी म्हणून प्रियतमा शिंदे यांचाही मान्यवरांच्या हस्ते गौरव करण्यात आला.
यानंतर प्रमुख पाहुण्यांच्या शुभहस्ते सर्व गुणवंत विद्यार्थ्यांना फेटा, पुष्पगुच्छ आणि कंपास पेटी देऊन सन्मानित करण्यात आले. विद्यार्थ्यांच्या यशामुळे सभागृहात आनंदाचे वातावरण निर्माण झाले होते.
शिष्यवृत्ती परीक्षेतील यशस्वी विद्यार्थी
इयत्ता पाचवी शिष्यवृत्ती परीक्षा :
- राधिका संदीप पाटील – १७४ गुण
- आयुष विजयकुमार माळी – १७४ गुण
- भार्गवी महेश शिंदे – १५६ गुण
- रणवीर नामदेव घोगरे – १४४ गुण
- आरोही सोमनाथ कोकाटे – १३८ गुण
- सरस्वती गणेश आगरकर – १३४ गुण
- शिवानी शिवशंकर पवार – १३२ गुण
इयत्ता चौथी शिष्यवृत्ती परीक्षा :
- शिवम गणेश मेहेर – १५८ गुण
- यश नारायण मेहेर – १३६ गुण
- राजनंदिनी रामा मदने – १३० गुण
इयत्ता सातवी शिष्यवृत्ती परीक्षा :
- यश बाळू सुरवसे – १९० गुण
- श्रावणी श्रीराम गटकुळ – १६४ गुण
- विजय जनार्धन देशमुख – १५२ गुण
- कल्याणी निशिकांत शिरसागर – १४४ गुण
अक्षरगंगा स्पर्धा परीक्षेतील उल्लेखनीय यश
अक्षरगंगा स्पर्धा परीक्षेत प्रांजल प्रशांत गोडगे यांनी १९८ गुण मिळवत उल्लेखनीय यश संपादन केले. तसेच वेदांत गणेश मेहेर (१२८ गुण), श्रेया योगेश नलवडे (१२६ गुण) आणि शिवेंद्र नवनाथ सूर्यवंशी (१२२ गुण) यांनीही उत्कृष्ट कामगिरी करून संस्थेचा गौरव वाढविला.
कार्यक्रमादरम्यान सत्कारमूर्ती, गुणवंत विद्यार्थी व प्रमुख पाहुण्यांनी आपल्या मनोगतातून विद्यार्थ्यांना शिक्षणात सातत्य, शिस्त आणि कठोर परिश्रमाचे महत्त्व पटवून दिले. अध्यक्षीय समारोपात गोरख मोरजकर यांनी विद्यार्थ्यांनी स्पर्धा परीक्षांमध्ये अधिकाधिक सहभागी होऊन यशाची नवी शिखरे गाठावीत, असे आवाहन केले.
कार्यक्रमाचे सूत्रसंचालन आकांक्षा देशमुख यांनी केले, तर प्रमिला लोंढे यांनी आभार प्रदर्शन केले. कार्यक्रमाच्या यशस्वी आयोजनासाठी संस्थेतील शिक्षक व शिक्षकेत्तर कर्मचाऱ्यांनी परिश्रम घेतले.
विद्यार्थ्यांच्या गुणवत्तेचा सन्मान आणि प्रेरणादायी व्यक्तिमत्त्वांचा गौरव अशा दुहेरी उद्देशाने आयोजित हा सोहळा उपस्थितांच्या स्मरणात राहणारा ठरला.
आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.
👉 रंगोली News 👉 www.rangolinews1.com या संकेतस्थळाला भेट द्या!
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!