शेतकऱ्यांनी ३१ जुलैपूर्वी पीक विमा योजनेत सहभागी व्हावे; धाराशिव कृषी विभागाचे शेतकऱ्यांना आवाहन. Farmers should enroll in the crop insurance scheme before July 31; Dharashiv Agriculture Department appeals to farmers.

शेतकऱ्यांनी ३१ जुलैपूर्वी पीक विमा योजनेत सहभागी व्हावे; धाराशिव कृषी विभागाचे शेतकऱ्यांना आवाहन.

Farmers should enroll in the crop insurance scheme before July 31; Dharashiv Agriculture Department appeals to farmers.

परंडा दि. २६ (रंगोली न्यूज): Farmers should enroll in the crop insurance scheme before July 31; Dharashiv Agriculture Department appeals to farmers. खरीप हंगाम २०२६ मध्ये नैसर्गिक आपत्ती, अतिवृष्टी, दुष्काळ, अवकाळी पाऊस, कीड व रोगांमुळे पिकांचे होणारे नुकसान भरून काढण्यासाठी शेतकऱ्यांनी प्रधानमंत्री पीक विमा योजनेत (PMFBY) सहभागी व्हावे, असे आवाहन जिल्हा अधीक्षक कृषी अधिकारी, धाराशिव यांनी केले आहे.

कृषी विभागाने प्रसिद्ध केलेल्या पत्रकानुसार, खरीप हंगाम २०२६ साठी कर्जदार तसेच बिगर कर्जदार शेतकऱ्यांनी दि. ३१ जुलै २०२६ पर्यंत ऑनलाइन पद्धतीने पीक विमा अर्ज भरावा. योजनेत सहभागी होण्यासाठी शेतकऱ्यांकडे Agristack Farmer ID (Farmer ID) असणे आवश्यक असून, ई-पीक पाहणीमध्ये निर्धारित कालावधीत पिकांची नोंद केलेली असणे बंधनकारक आहे.

यंदा कॉमन सर्व्हिस सेंटर (CSC) मार्फत अर्ज भरताना काही ठिकाणी "पीक कर्ज घेतलेले नसल्याबाबत स्वयंघोषणापत्र/हमीपत्र" सादर करण्याची अट लागू करण्यात आल्याने अनेक शेतकऱ्यांमध्ये संभ्रम निर्माण झाला होता. त्यामुळे अपेक्षेपेक्षा कमी प्रमाणात पीक विमा अर्ज दाखल होत असल्याचे कृषी विभागाच्या निदर्शनास आले.

या पार्श्वभूमीवर कृषी आयुक्तालय, महाराष्ट्र राज्य, पुणे यांनी केंद्र शासनाकडे संबंधित हमीपत्राची अट शिथिल करण्याची विनंती केली असून, जिल्हास्तरावरही ही अट रद्द करण्यासाठी कार्यवाही सुरू असल्याचे पत्रकात नमूद करण्यात आले आहे.

राज्यात आणि विशेषतः धाराशिव जिल्ह्यात यंदा सरासरीपेक्षा कमी पाऊस झाल्याने अनेक भागांमध्ये पिकांच्या वाढीवर परिणाम होण्याची शक्यता आहे. अशा परिस्थितीत शेतकऱ्यांनी कोणताही विलंब न करता पीक विमा योजनेचा लाभ घ्यावा, असे कृषी विभागाने स्पष्ट केले आहे.

नैसर्गिक आपत्ती, अतिवृष्टी, दुष्काळ, अवकाळी पाऊस, कीड व रोगांमुळे होणाऱ्या आर्थिक नुकसानीपासून संरक्षण मिळवण्यासाठी प्रधानमंत्री पीक विमा योजना प्रभावी सुरक्षा कवच असल्याचेही कृषी विभागाने म्हटले आहे.

जिल्हा अधीक्षक कृषी अधिकारी यांनी धाराशिव जिल्ह्यातील सर्व पात्र शेतकऱ्यांना अंतिम मुदतीची वाट न पाहता ३१ जुलैपूर्वी पीक विमा अर्ज भरून योजनेचा लाभ घ्यावा, असे आवाहन केले आहे. अर्ज भरण्याबाबत तांत्रिक अडचण किंवा अधिक माहितीसाठी शेतकऱ्यांनी आपल्या सहाय्यक कृषी अधिकारी, मंडळ कृषी अधिकारी किंवा तालुका कृषी अधिकारी कार्यालयाशी संपर्क साधावा, असेही आवाहन करण्यात आले आहे.

आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.

👉 रंगोली News 👉 www.rangolinews1.com या संकेतस्थळाला भेट द्या!