परंडा तालुक्यात टीबी मुक्त ग्रामपंचायत गुणगौरव सोहळा उत्साहात संपन्न.
२७ ग्रामपंचायतींना रौप्य, ६ ग्रामपंचायतींना कांस्य पदक; २ ग्रामपंचायतींचा जिल्हास्तरावर होणार गौरव.
 |
| The TB-free Gram Panchayat appreciation ceremony in Paranda taluka concluded with enthusiasm. |
परंडा दि. २१ (रंगोली न्युज) — The TB-free Gram Panchayat appreciation ceremony in Paranda taluka concluded with enthusiasm. परंडा तालुक्यात क्षयरोग निर्मूलनासाठी उल्लेखनीय कार्य करणाऱ्या ग्रामपंचायतींचा सन्मान करण्यासाठी “टीबी मुक्त ग्रामपंचायत गुणगौरव सोहळा – २०२५” पंचायत समिती सभागृह, परंडा येथे उत्साहपूर्ण वातावरणात पार पडला. क्षयरोग निर्मूलनाच्या अभियानात प्रभावी योगदान देणाऱ्या ग्रामपंचायतींच्या कार्याची दखल घेत या सोहळ्यात २७ ग्रामपंचायतींना रौप्य पदक, तर ६ ग्रामपंचायतींना कांस्य पदक देऊन गौरविण्यात आले. तसेच सुवर्णपदक विजेत्या २ ग्रामपंचायतींचा जिल्हास्तरावर सत्कार करण्यात येणार असल्याची माहिती यावेळी देण्यात आली.
कार्यक्रमाच्या अध्यक्षस्थानी पंचायत समितीच्या सभापती सौ. अर्चनाताई आण्णासाहेब जाधव होत्या. यावेळी सहाय्यक गटविकास अधिकारी रविंद्र जाधव, तालुका आरोग्य अधिकारी डॉ. दिपक निंभोरकर, गटशिक्षणाधिकारी निलेश इंगळे, तसेच पंचायत समिती सदस्य गणेश भिलारे, समाधान नलावडे, सौ. रेश्मा गायकवाड, सौ. मालनबाई कोलते, सौ. दिपाली खुळे व सौ. मोनिका पाटील यांची प्रमुख उपस्थिती होती.
याशिवाय डॉ. साचे, डॉ. लांडगे, डॉ. लोमटे, क्षयरोग पर्यवेक्षक रामचंद्र झिंगे व दत्तात्रय आडसूळ, आरोग्य विभागातील अधिकारी-कर्मचारी, गटप्रवर्तक, आशा स्वयंसेविका तसेच विविध ग्रामपंचायतींचे पदाधिकारी व प्रतिनिधी मोठ्या संख्येने उपस्थित होते.
ग्रामपंचायतींचा सन्मान
क्षयरोग निर्मूलनासाठी निर्धारित निकषांनुसार उल्लेखनीय कामगिरी करणाऱ्या विजेत्या ग्रामपंचायतींचा मान्यवरांच्या हस्ते प्रशस्तीपत्र, राष्ट्रपिता महात्मा गांधी यांचा रौप्य अथवा कांस्य पुतळा आणि पुष्पगुच्छ देऊन सन्मान करण्यात आला. या गौरवामुळे ग्रामपंचायतींचे पदाधिकारी, ग्रामसेवक, आरोग्य कर्मचारी व आशा स्वयंसेविकांमध्ये उत्साहाचे वातावरण निर्माण झाले.
यावेळी उपस्थित मान्यवरांनी विजेत्या ग्रामपंचायतींच्या कार्याचे कौतुक केले. क्षयरोग निर्मूलनासाठी गावपातळीवर सुरू असलेल्या जनजागृती, संशयित रुग्णांचा शोध, तपासणी तसेच उपचार प्रक्रियेत आरोग्य विभागाला सहकार्य करण्याचे काम अधिक प्रभावीपणे सुरू ठेवण्याचे आवाहन करण्यात आले.
संशयित रुग्णांच्या तपासणीवर भर
अध्यक्षीय भाषणात सौ. अर्चनाताई जाधव यांनी आशा स्वयंसेविकांची गावपातळीवरील भूमिका महत्त्वाची असल्याचे सांगितले. गावातील अधिकाधिक संशयित क्षयरुग्णांचे थुंकी नमुने तपासणीसाठी पाठवून रोगाचे लवकर निदान व वेळेवर उपचार होण्यासाठी प्रयत्न वाढविण्याचे आवाहन त्यांनी केले.
सहाय्यक गटविकास अधिकारी रविंद्र जाधव यांनी क्षयरोगाचे संपूर्ण उच्चाटन ही केवळ आरोग्य विभागाची जबाबदारी नसून संपूर्ण समाजाची सामूहिक जबाबदारी असल्याचे स्पष्ट केले. प्रत्येक ग्रामपंचायतीने टीबी मुक्त ग्रामपंचायत अभियानात सक्रिय सहभाग नोंदवून परंडा तालुका क्षयरोगमुक्त करण्यासाठी सर्वतोपरी सहकार्य करावे, असे आवाहन त्यांनी केले.
क्षयरोग नियंत्रण कार्यक्रमाची माहिती
तालुका आरोग्य अधिकारी डॉ. दिपक निंभोरकर यांनी परंडा तालुक्यातील क्षयरोग नियंत्रण कार्यक्रमाची सद्यस्थिती, आतापर्यंत झालेली उपलब्धी आणि आगामी उद्दिष्टे याबाबत सविस्तर माहिती दिली. तसेच टीबी मुक्त ग्रामपंचायत अभियानातील सहा प्रमुख निर्देशांक उपस्थितांना समजावून सांगितले.
क्षयरोग निर्मूलनाच्या कामात ग्रामपंचायत पदाधिकारी, आरोग्य विभागातील अधिकारी-कर्मचारी आणि आशा स्वयंसेविकांचे योगदान अत्यंत महत्त्वाचे असल्याचे सांगत त्यांनी सर्वांच्या कार्याचे विशेष कौतुक केले.
समन्वयातून टीबी मुक्त परंडाचे उद्दिष्ट
क्षयरोग निर्मूलनासाठी ग्रामपंचायत, आरोग्य विभाग आणि समाज यांच्यातील समन्वय अधिक मजबूत करण्याची गरज यावेळी व्यक्त करण्यात आली. गावातील नागरिकांमध्ये क्षयरोगाबाबत जनजागृती करणे, संशयित रुग्णांचा शोध घेणे, त्यांची तपासणी करून वेळेत उपचार उपलब्ध करून देणे आणि उपचार पूर्ण होईपर्यंत रुग्णांचे समुपदेशन करणे, या बाबींवर सातत्याने काम करण्याचे आवाहन करण्यात आले.
कार्यक्रमाच्या शेवटी सर्व विजेत्या ग्रामपंचायती, सरपंच, ग्रामसेवक, आरोग्य विभागातील अधिकारी-कर्मचारी आणि आशा स्वयंसेविकांचे अभिनंदन करण्यात आले. परंडा तालुका क्षयरोगमुक्त करण्याच्या दिशेने ग्रामपंचायती, आरोग्य विभाग आणि समाज यांच्या प्रभावी समन्वयाचे हे उत्कृष्ट उदाहरण असल्याचे मत उपस्थितांनी व्यक्त केले.
आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.
👉 रंगोली News 👉 www.rangolinews1.com या संकेतस्थळाला भेट द्या!
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!