खासदार ओमप्रकाश राजेनिंबाळकर यांचा शिवसेना शिंदे गटात प्रवेश; जिल्ह्याच्या राजकारणात खळबळ.
आमदार डॉ. तानाजी सावंतांकडून पुष्पगुच्छ देऊन स्वागत!
 |
| MP Omprakash Rajenimbalkar joins the Shiv Sena Shinde faction; |
परंडा दि. २२ (रंगोली न्यूज) – MP Omprakash Rajenimbalkar joins the Shiv Sena Shinde faction; धाराशिव जिल्ह्याच्या राजकारणात मोठी घडामोड घडली असून खासदार ओमप्रकाश राजेनिंबाळकर यांनी आपण शिवसेना शिंदे गटात पक्षप्रवेश करणार असल्याची अधिकृत घोषणा केली आहे. त्यांच्या या निर्णयामुळे जिल्ह्यासह राज्याच्या राजकीय वर्तुळात मोठी खळबळ उडाली असून आगामी काळात राजकीय समीकरणांमध्ये मोठे बदल होण्याची चिन्हे दिसू लागली आहेत.
राजेनिंबाळकर यांच्या पक्षप्रवेशाच्या घोषणेनंतर माजी मंत्री तथा आमदार डॉ. तानाजी सावंत यांनी त्यांचे पुष्पगुच्छ देऊन स्वागत केले. यावेळी त्यांनी राजेनिंबाळकर यांना पुढील राजकीय वाटचालीस शुभेच्छा देत त्यांच्या निर्णयाचे स्वागत केले.
या महत्त्वपूर्ण प्रसंगी शिवसेना जिल्हाप्रमुख दत्ता अण्णा साळुंके, विकासरत्न डॉ. तानाजीराव सावंत प्रतिष्ठानचे अध्यक्ष रामचंद्र घोगरे, परंडा नगरपरिषदेचे नगराध्यक्ष जाकीर सौदागर, युवा नेते तथा माजी उपसभापती मेघराज पाटील, प्रकाश धुमाळ, वैभव पवार, जावेद पठाण यांच्यासह पक्षाचे अनेक पदाधिकारी, कार्यकर्ते आणि समर्थक मोठ्या संख्येने उपस्थित होते.
खासदार राजेनिंबाळकर यांनी केलेली ही घोषणा जिल्ह्याच्या राजकारणासाठी महत्त्वाची मानली जात आहे. त्यांच्या या निर्णयामुळे धाराशिव जिल्ह्यातील राजकीय समीकरणे बदलण्याची शक्यता व्यक्त केली जात असून विविध पक्षांच्या नेत्यांमध्ये चर्चांना उधाण आले आहे.
राजकीय विश्लेषकांच्या मते, राजेनिंबाळकर यांचा शिंदे गटातील प्रवेश आगामी स्थानिक स्वराज्य संस्था निवडणुका तसेच भविष्यातील विधानसभा आणि लोकसभा निवडणुकांच्या दृष्टीने महत्त्वाचा ठरू शकतो. त्यामुळे जिल्ह्यातील राजकीय घडामोडींना आता अधिक वेग येण्याची शक्यता वर्तवली जात आहे.
दरम्यान, या पक्षप्रवेशामुळे शिवसेना शिंदे गटाची जिल्ह्यातील ताकद वाढणार असल्याचे बोलले जात असून पुढील काही दिवसांत आणखी काही राजकीय घडामोडी घडण्याची शक्यता राजकीय वर्तुळातून व्यक्त केली जात आहे.
आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.
👉 रंगोली News 👉 www.rangolinews1.com या संकेतस्थळाला भेट द्या!
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!