ग्लोबल एज्युकेशनल इन्स्टिट्यूटमध्ये लोकमान्य टिळक जयंती उत्साहात साजरी.
 |
| Lokmanya Tilak Jayanti celebrated with enthusiasm at Global Educational Institute. |
परंडा, दि. २३ (रंगोली न्यूज): Lokmanya Tilak Jayanti celebrated with enthusiasm at Global Educational Institute. ग्लोबल एज्युकेशनल इन्स्टिट्यूट, परंडा येथे भारतीय स्वातंत्र्यलढ्याचे प्रेरणास्थान, थोर राष्ट्रपुरुष लोकमान्य बाळ गंगाधर टिळक यांची जयंती इयत्ता ८ वीच्या विद्यार्थ्यांच्या पुढाकारातून अत्यंत उत्साहपूर्ण वातावरणात साजरी करण्यात आली. विद्यार्थ्यांनी कार्यक्रमाचे उत्कृष्ट नियोजन करत लोकमान्य टिळक यांच्या विचारांना अभिवादन केले.
कार्यक्रमाच्या अध्यक्षस्थानी संस्थेचे संस्थापक अध्यक्ष गोरख मोरजकर उपस्थित होते, तर संस्थेच्या सचिव आशा मोरजकर प्रमुख पाहुण्या म्हणून उपस्थित होत्या. कार्यक्रमाची सुरुवात लोकमान्य टिळक यांच्या प्रतिमेचे पूजन व पुष्पहार अर्पण करून करण्यात आली.
अध्यक्षीय मनोगतात गोरख मोरजकर यांनी विद्यार्थ्यांना मार्गदर्शन करताना सांगितले की, "प्रत्येक विद्यार्थ्याने दररोज आई-वडिलांच्या पाया पडून त्यांचा आशीर्वाद घ्यावा, नियमित व मन लावून अभ्यास करावा आणि जीवनात शिस्तीचे पालन करावे. शिक्षण, संस्कार आणि कर्तव्यनिष्ठा यांच्या बळावरच यशस्वी आयुष्य घडते." तसेच लोकमान्य टिळक यांचे राष्ट्रप्रेम, स्वाभिमान, त्याग आणि शिक्षणाविषयीचे विचार विद्यार्थ्यांनी आपल्या जीवनात अंगीकारावेत, असे आवाहन त्यांनी केले.
कार्यक्रमाचे प्रभावी सूत्रसंचालन कल्याणी निशिकांत क्षीरसागर व ईश्वरी लक्ष्मण थिटे यांनी केले. विद्यार्थिनी वैष्णवी धनंजय औसारे आणि तनुजा त्रिंबक मोरे यांनी लोकमान्य टिळक यांच्या जीवनकार्यावर प्रेरणादायी मनोगत व्यक्त करत त्यांच्या राष्ट्रसेवेचा आणि स्वातंत्र्यलढ्यातील योगदानाचा आढावा घेतला.
कार्यक्रमाच्या शेवटी श्रावणी भरत जाधव हिने उपस्थितांचे आभार मानले. इयत्ता ८ वीच्या वर्गशिक्षिका देशमुख मॅडम यांच्या मार्गदर्शनाखाली विद्यार्थ्यांनी संपूर्ण कार्यक्रमाचे नियोजन व आयोजन यशस्वीपणे पार पाडले.
विद्यार्थ्यांनी शिस्तबद्ध पद्धतीने कार्यक्रम सादर करत लोकमान्य टिळक यांच्याप्रती आदर व्यक्त केला. त्यांच्या सादरीकरणाचे उपस्थित मान्यवरांनी मनापासून कौतुक केले. राष्ट्रभक्ती, संस्कार आणि शिस्त यांचा संदेश देणारा हा कार्यक्रम उत्साहपूर्ण वातावरणात संपन्न झाला.
आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.
👉 रंगोली News 👉 www.rangolinews1.com या संकेतस्थळाला भेट द्या!
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!