मोटारसायकल अडवून लुटमार करणाऱ्या टोळीचा स्थानिक गुन्हे शाखेकडून पर्दाफाश.
 |
| The local crime branch busted a gang that robbed motorcycles. |
परंडा, दि. १८ (रंगोली न्यूज) — The local crime branch busted a gang that robbed motorcycles. मोटारसायकल अडवून मारहाण करत रोख रक्कम, मोबाईल व सोन्याचे दागिने लुटणाऱ्या टोळीचा धाराशिव पोलिसांच्या स्थानिक गुन्हे शाखेने पर्दाफाश केला आहे. या कारवाईत पोलिसांनी सुमारे ७३ हजार रुपये किमतीचा मुद्देमाल जप्त केला असून, परंडा पोलिस ठाण्यातील जबरी चोरीचे दोन गुन्हे उघडकीस आणले आहेत.
दि. १७ ऑगस्ट रोजी स्थानिक गुन्हे शाखेचे पथक परंडा पोलिस ठाण्यातील गुन्हा क्रमांक ३६२/२०२६ मधील चोरीचा माल व आरोपींचा शोध घेत पेट्रोलिंग करत होते. त्यावेळी मिळालेल्या गोपनीय माहितीनुसार सदर गुन्ह्यातील आरोपी अनिल भिमा पवार हा त्याच्या साथीदारांसह येरमाळा परिसरात असल्याचे समोर आले.
पोलिसांनी सापळा रचून अनिल पवार याला येरमाळा मंदिर ते मलकापूर रस्त्यावर मोटारसायकलवरून जात असताना पकडले. चौकशीत त्याने सुरुवातीला उडवाउडवीची उत्तरे दिली. मात्र पोलिसांनी विश्वासात घेऊन चौकशी केल्यानंतर त्याने साथीदारांसह परंडा हद्दीतील दुधी शिवारात मोटारसायकलवरून जाणाऱ्या एका पुरुष व महिलेला अडवून मारहाण करत त्यांच्याकडील रोख रक्कम, मोबाईल व सोन्याचे दागिने लुटल्याची कबुली दिल्याचे पोलिसांनी सांगितले.
तसेच सुमारे तीन महिन्यांपूर्वी सोनगिरी शिवारात शेतात जात असलेल्या एका महिलेला अडवून मारहाण करून तिच्या गळ्यातील सोन्याचे दागिने हिसकावल्याचेही आरोपीने सांगितले. चोरी केलेले सोन्याचे दागिने व मोबाईल आरोपीच्या साथीदाराच्या घरी ठेवले असल्याची माहिती मिळाल्यानंतर पोलिस पथकाने तेथून सोन्याचे दागिने, मोबाईल व गुन्ह्यात वापरलेली मोटारसायकल असा एकूण ७३ हजार रुपयांचा मुद्देमाल जप्त केला.
या कारवाईमुळे परंडा पोलिस ठाण्यातील जबरी चोरीचे दोन गुन्हे उघडकीस आले आहेत.
ही कारवाई पोलिस अधीक्षक श्रीमती रितू खोखर व अपर पोलिस अधीक्षक सचिन पांडकर यांच्या मार्गदर्शनाखाली स्थानिक गुन्हे शाखेचे पोलिस निरीक्षक विनोद इज्जपवार, सपोनि सचिन खटके, पोलिस हवालदार विनोद जानराव, नितीन जाधवर, पोलिस नाईक बाबन जाधवर, पुष्कर मुंगळे, मेहबूब अरब, सुभाष चौरे, प्रकाश बोईनवाड, रणनवरे व आरसीपी पथकातील अंमलदार यांनी केली.
आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.
👉 रंगोली News 👉 www.rangolinews1.com या संकेतस्थळाला भेट द्या!
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!