Rangoli News1
Rangoli News1संत मीरा पब्लिक स्कूलमध्ये १० वीच्या विद्यार्थ्यांचा निरोप समारंभ संपन्न. .....
डॉ. प्रतापसिंह पाटील यांचा विद्यार्थ्यांना परीक्षांसासाठी आत्मविश्वासाने सामोरे जाण्याचा सल्ला. .....
परंडा - दि. १९) परंडा तालुक्यातील संत मीरा पब्लिक स्कूलमध्ये दि. १८ रोजी इयत्ता १० वीच्या विद्यार्थ्यांसाठी निरोप समारंभाचे आयोजन करण्यात आले होते. कार्यक्रमाची सुरूवात छत्रपती शिवाजी महाराज व क्रांतिजोती सावित्रीबाई फुले यांच्या प्रतिमेचे पूजन करून करण्यात आली.
यावेळी शिक्षकांनी विद्यार्थ्यांच्या शालेय जीवनातील आठवणींना उजाळा देत त्यांच्या उज्ज्वल भविष्यासाठी शुभेच्छा दिल्या. याप्रसंगी इ. ९ वीच्या विद्यार्थ्यांनी विविध सांस्कृतिक कार्यक्रम, मनोगते आणि गीते सादर करून दहावीच्या विद्यार्थ्यांप्रती कृतज्ञता व्यक्त केली.
दहावीच्या विद्यार्थ्यांनीही आपल्या भावना व्यक्त करत शाळा, शिक्षक आणि मित्रांसोबत घालवलेले क्षण कधीही विसरणार नसल्याचे सांगितले. काही विद्यार्थ्यांचे मनोगत ऐकताना वातावरण भावूक झाले.
कार्यक्रमच्या अध्यक्ष स्थानी संस्थापक डॉ. प्रतापसिंह पाटील तर प्रमुख पाहुणे शाहीर शरद नवले, प्रियांका काशीद, दीपाली काशीद, नजमीन शेख, असमा शेख, रुबीना शेख, प्रगती कोचिंग क्लासेसचे संचालक कृष्णा भागडे, दादासाहेब थिटे, मेजर सतीश शिंदे, निजामोद्दीन मुजावर, अजीम मुजावर, फरीद शेख, सलीम मुजावर, फिरोज पठाण, इरफान शहाबर्फीवाले, अयुब चौधरी, शफिक शेख, कासीम बोराटे , डोंबाळे सर, पवार सर, सुदाम ओहळ, शिवाजी बनसोडे आदी मान्यवर उपस्थित होते. शाहीर शरद नवले सर यांनी विद्यार्थ्यांना अतिशय अप्रतिम व शेलक्या शब्दात प्रेरणा व स्फूर्ती देणारे भाषण देऊन विद्यार्थ्यांंवरील परीक्षेचा तणाव कमी केला.
संस्थाअध्यक्ष डॉ. प्रतापसिंह पाटील यांनी विद्यार्थ्यांना आगामी परीक्षांसाठी आत्मविश्वासाने सामोरे जाण्याचा सल्ला देत प्रामाणिक परिश्रम आणि शिस्त यशाची गुरुकिल्ली असल्याचे सांगितले. तसेच जीवनात मोठी स्वप्ने बाळगा आणि ती पूर्ण करण्यासाठी सातत्याने प्रयत्न करा, असा संदेश दिला. स्वयंशासन दिनी मुख्याध्यापक म्हणून कु. आवेज मुजावर, उपमुख्याध्यापक कु. सुहानी ओहाळ, पर्यवेक्षक कु.वैष्णवी शिंदे तर क्लार्क म्हणून कु. मुज्जमील शेख या विध्यार्थ्यांनी काम पहिले.
कार्यक्रमाच्या शेवटी विद्यार्थ्यांना शुभेच्छा देत भेटवस्तू प्रदान करण्यात आल्या. मुख्याध्यापक संतोष भांडवलकर यांनी प्रास्ताविक तर सूत्रसंचालन माधुरी नांगरे व समाधान शिंदे यांनी केले. या कार्यक्रमाचे आयोजन इ ९ वी चे विद्यार्थी, गणेश कोकाटे, सुमय्या शेख, बालाजी गोरे यांनी तर सर्व शिक्षक व कर्मचारी यांनी परिश्रम घेतले.
आपल्या परिसरातील बातम्या व इतर घडामोडी 🤳 पहाण्यासाठी खालील संकेतस्थळाला भेट द्या. ....
रंगोली न्युज 👉 https://rangolinews1.blogspot.com
-: शहाजी कोकाटे :-
मो.नं. 9890121396
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!