ग्लोबलमध्ये मुलींसाठी पहिली मार्गदर्शक बैठक संपन्न.
महिला तक्रार समिती व सखी सावित्री समितीच्या वतीने विद्यार्थिनींना आरोग्य, सुरक्षितता, करिअर व व्यक्तिमत्त्व विकासाबाबत मार्गदर्शन.
 |
| First guidance meeting for girls held at Global. |
परंडा, दि. २७ (रंगोली न्यूज) : First guidance meeting for girls held at Global. ग्लोबल एज्युकेशनल इन्स्टिट्यूटमध्ये महिला तक्रार समिती व सखी सावित्री समितीच्या संयुक्त विद्यमाने शैक्षणिक वर्ष २०२६-२७ मधील विद्यार्थिनींसाठी पहिली मार्गदर्शन बैठक उत्साहपूर्ण वातावरणात संपन्न झाली. विद्यार्थिनींच्या सर्वांगीण विकासाच्या उद्देशाने आयोजित या विशेष सभेला मोठ्या संख्येने विद्यार्थिनी व महिला शिक्षिकांची उपस्थिती लाभली.
सभेच्या अध्यक्षस्थानी संस्थेच्या सचिव आशाताई मोरजकर उपस्थित होत्या. कार्यक्रमाची सुरुवात राष्ट्रमाता राजमाता जिजाऊ आऊसाहेब व क्रांतिज्योती सावित्रीमाई फुले यांच्या प्रतिमांचे पूजन करून करण्यात आली. त्यांच्या महान कार्याचा आदर्श विद्यार्थिनींनी जीवनात अंगीकारावा, असा संदेश यावेळी देण्यात आला.
बैठकीत विद्यार्थिनींच्या शैक्षणिक, सामाजिक आणि वैयक्तिक विकासासंदर्भात सखोल मार्गदर्शन करण्यात आले. आत्मविश्वास, नेतृत्वगुण, सुरक्षितता, करिअर नियोजन, सामाजिक जबाबदारी आणि व्यक्तिमत्त्व विकास या विषयांवर सविस्तर चर्चा करण्यात आली. विद्यार्थिनींनी विविध विषयांवर आपली मते मांडत चर्चेत उत्स्फूर्त सहभाग नोंदविला.
यावेळी सचिव आशाताई मोरजकर यांनी इयत्ता पहिली ते बारावीपर्यंतच्या विद्यार्थिनींना आरोग्य, संतुलित आहार, वैयक्तिक स्वच्छता, योग्य राहणीमान याबाबत मार्गदर्शन केले. किशोरवयीन मुलींना किशोरावस्था, मासिक पाळी, शारीरिक व मानसिक बदल, मुलींच्या समस्या व त्यावरील उपाय, सॅनिटरी नॅपकिनचा योग्य वापर, व्हेंडिंग मशीनची माहिती तसेच सामाजिक व शैक्षणिक विषयांवरही त्यांनी सविस्तर मार्गदर्शन केले.
यावेळी बोलताना आशाताई मोरजकर म्हणाल्या, "मुली या समाजाच्या प्रगतीचा मजबूत पाया आहेत. शिक्षणासोबतच त्यांच्यामध्ये आत्मविश्वास, शिस्त आणि सामाजिक जाणीव विकसित होणे आवश्यक आहे. अशा सभांमधून विद्यार्थिनींना स्वतःचे विचार मांडण्याची संधी मिळते आणि त्यांचे व्यक्तिमत्त्व अधिक सक्षम बनते. प्रत्येक मुलीने स्वतःच्या क्षमतांवर विश्वास ठेवून मोठी स्वप्ने पाहावीत आणि ती पूर्ण करण्यासाठी सातत्याने प्रयत्नशील राहावे."
या मार्गदर्शन बैठकीमुळे विद्यार्थिनींमध्ये आरोग्य, सुरक्षितता, स्वावलंबन आणि सामाजिक जाणीव याबाबत जागरूकता निर्माण झाली. कार्यक्रमाच्या यशस्वी आयोजनाबद्दल उपस्थितांनी महिला तक्रार समिती व सखी सावित्री समितीचे कौतुक केले. कार्यक्रमास संस्थेतील सर्व महिला शिक्षिका व विद्यार्थिनी मोठ्या संख्येने उपस्थित होत्या.
आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.
👉 रंगोली News 👉 www.rangolinews1.com या संकेतस्थळाला भेट द्या!
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!