वटसावित्री पौर्णिमेनिमित्त परंड्यात भक्तिमय वातावरण;
सौभाग्यवतींनी वडाची पूजा करून पतीच्या दीर्घायुष्यासाठी केली प्रार्थना.
 |
| Married women worshipped the banyan tree and prayed for their husbands' longevity. |
परंडा, दि. २९ (रंगोली न्यूज) – Married women worshipped the banyan tree and prayed for their husbands' longevity. हिंदू धर्मातील अत्यंत महत्त्वाचा आणि महिलांच्या श्रद्धेचा सण असलेली वटसावित्री पौर्णिमा "Vatsavitri Purnima" सोमवार (दि. २९) रोजी परंडा शहरासह तालुक्यातील ग्रामीण भागात मोठ्या भक्तिभावाने आणि उत्साहात साजरी करण्यात आली. सौभाग्यवती महिलांनी पारंपरिक वेशभूषा, दागिने व साजशृंगार करून वडाच्या वृक्षाची विधीवत पूजा-अर्चा केली. पतीला दीर्घायुष्य लाभावे, अखंड सौभाग्य प्राप्त व्हावे आणि जन्मोजन्मीचे नाते दृढ राहावे, अशी प्रार्थना करत महिलांनी वडाच्या झाडाभोवती दोरा गुंडाळून सात फेरे घेत व्रताची सांगता केली.
दुपारच्या सुमारास परंडा शहरातील तसेच तालुक्यातील विविध गावांतील वडाच्या झाडांजवळ महिलांची मोठी गर्दी पाहायला मिळाली. शहरातील ऐतिहासिक बालाजी मठ परिसरातील वडाचे झाड, कल्याणसागर शाळेजवळील वटवृक्ष तसेच इतर सार्वजनिक ठिकाणांवरील वडाच्या झाडांजवळ पूजा करण्यासाठी महिलांची मोठी उपस्थिती होती. पूजा साहित्य, फुले, हळद-कुंकू, आंबे, हिरव्या बांगड्या, सुती दोरा आणि ओटीचे साहित्य घेऊन महिलांनी पारंपरिक पद्धतीने पूजा केली.
वटसावित्री व्रताला हिंदू धर्मात विशेष धार्मिक महत्त्व असून सावित्रीने आपल्या पती सत्यवानाचे प्राण यमराजाकडून परत मिळविल्याच्या पौराणिक कथेशी या व्रताचा संबंध आहे. त्याच श्रद्धेने महिलांनी उपवास करून वटवृक्षाची पूजा करत पतीच्या आरोग्य, दीर्घायुष्य आणि कुटुंबाच्या सुख-समृद्धीसाठी प्रार्थना केली.
या निमित्ताने घराघरांत पुरणपोळीचा नैवेद्य करण्यात आला. नवविवाहित महिलांसह सर्व वयोगटातील सुवासिनींनी मोठ्या उत्साहात व्रत पाळले. एकमेकींना हळद-कुंकू लावत औक्षण करून वटसावित्रीच्या शुभेच्छा दिल्या.
वटसावित्रीच्या पार्श्वभूमीवर बाजारपेठेतही मोठी लगबग दिसून आली. पूजा साहित्य, हिरव्या बांगड्या, फुले, गजरे आणि आंब्यांची खरेदी करण्यासाठी महिलांची गर्दी होती. गावरान आंब्यांचा तुटवडा असल्याने नागरिकांनी नीलम व केसर जातीच्या आंब्यांना पसंती दिली. तसेच नेहमी दहा रुपयांना मिळणारा मोगऱ्याचा गजरा वटपौर्णिमेच्या दिवशी २५ ते ३० रुपयांना विकला जात होता.
याशिवाय भवानी शंकर मंदिर, नवीन राम मंदिर, विठ्ठल मंदिर आदी देवस्थानांमध्ये दर्शनासाठी महिलांची मोठी गर्दी झाली होती. संपूर्ण शहरात धार्मिक, भक्तिमय आणि उत्साहाचे वातावरण निर्माण झाले होते.
श्रद्धा, परंपरा आणि कौटुंबिक मूल्यांचे प्रतीक असलेला वटसावित्री पौर्णिमेचा सण परंडा शहर व तालुक्यात मोठ्या आनंदात, भक्तिभावात आणि पारंपरिक उत्साहात साजरा करण्यात आला.
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!