उपजिल्हा रुग्णालय परंडा येथे पल्स पोलिओ लसीकरण मोहिमेचा शुभारंभ उत्साहात.
 |
| Pulse Polio Vaccination Drive Launched with Enthusiasm at Sub-District Hospital, Paranda |
परंडा, दि. ३० (रंगोली न्युज): Pulse Polio Vaccination Drive Launched with Enthusiasm at Sub-District Hospital, Paranda देशाला पोलिओमुक्त ठेवण्यासाठी राबविण्यात येणाऱ्या राष्ट्रीय पल्स पोलिओ लसीकरण मोहिमेचा शुभारंभ रविवारी उपजिल्हा रुग्णालय, परंडा येथे उत्साहात करण्यात आला. जन्मापासून पाच वर्षांपर्यंतच्या सर्व बालकांना पोलिओ प्रतिबंधक लसीचे दोन थेंब देऊन मोहिमेची सुरुवात करण्यात आली.
या कार्यक्रमाला नगरसेवक वाजीद दखनी, आरोग्य समितीचे अध्यक्ष बालाजी नेटके, उपजिल्हा रुग्णालय परंडाचे वैद्यकीय अधीक्षक डॉ. जुबेर मोमीन, वैद्यकीय अधिकारी डॉ. अब्रार पठाण, आरोग्य कर्मचारी आशिष गाळणे तसेच आरोग्य विभागातील अधिकारी व कर्मचारी उपस्थित होते.
यावेळी उपस्थित मान्यवरांनी पालकांना आपल्या पाच वर्षांखालील प्रत्येक बालकाला पोलिओ प्रतिबंधक लसीचे दोन थेंब पाजण्याचे आवाहन केले. पोलिओसारख्या गंभीर आजाराचे पूर्णपणे निर्मूलन करण्यासाठी प्रत्येक बालकापर्यंत लसीकरण पोहोचणे आवश्यक असल्याचे त्यांनी सांगितले.
आरोग्य विभागामार्फत तालुक्यात विविध लसीकरण केंद्रांवर तसेच दुर्गम भागांमध्ये जाऊन बालकांना लस देण्याची व्यवस्था करण्यात आली आहे. कोणतेही बालक लसीकरणापासून वंचित राहू नये, यासाठी आरोग्य कर्मचाऱ्यांकडून विशेष प्रयत्न करण्यात येत आहेत.
कार्यक्रम यशस्वी करण्यासाठी आरोग्य विभागातील सर्व अधिकारी, कर्मचारी, आशा सेविका आणि अंगणवाडी सेविकांनी परिश्रम घेतले. पालकांनीही या मोहिमेत सक्रिय सहभाग घेऊन आपल्या पाल्यांचे लसीकरण करून घ्यावे, असे आवाहन शेवटी आरोग्य विभागाच्या वतीने करण्यात आले.
0 Comments
रंगोली न्युज1 ही कोणत्याही सरकारी योजनेची अधिकृत वेबसाईट नाही किंवा कोणत्याही शासनाशी संबंधित नाही. कृपया याला Official वेबसाईट म्हणून मानू नका आणि खाली कमेंट मध्ये आपल्या संपर्क किंवा आधार क्रमांक किंवा मोबाईल क्रमांक यासारखी कोणतीही वैयक्तीक माहिती सोडू नका. आम्ही कोणत्याही योजने संदर्भातील तक्रारीवर लक्ष देऊ शकत नाही. आम्ही आमच्या सर्व अभ्यांगताना संबंधित तक्रारी, बातम्या, प्रसारित माहीती, योजनेबद्दल क्वेरी किंवा संकेत स्थळावर प्रकाशित केलेल्या बातम्या, माहितीसाठी संबंधित विभागाच्या Official संकेतस्थळावर किंवा अधिकाऱ्यांना भेट देण्यासाठी आम्ही विनंती करतो. रंगोली न्युज1 मधून प्रसिध्द होणाऱ्या जाहिरातीतील मजकुर शहानिशा करूनच वाचकांनी त्या संबंधी व्यवहार करावा. जाहिरातीत आपल्या उत्पादन/सेवेसंदर्भात जाहिरातदारांनी केलेल्या दाव्याची रंगोली न्युज1 कोणतीही हमी घेत नाही. रंगोली न्युज1 वरील माहीती कॉपी करू नये किंवा इतरत्र वापरू नये. यावरील प्रकाशित झालेले सर्व मजकूर, लेख व त्याचे हक्क रंगोली न्युज1 व संबंधीत लेखकाकडे आहेत. प्रसिद्ध झालेल्या मजकुराशी रंगोली न्युज1 सहमत सहमत असेलच असे नाही. जाहीरातीत करण्यात आलेल्या दाव्याची जाहिरातदाराकडून पूर्तता न झाल्यास त्यास रंगोली न्युज1 जबाबदार नाही याची वाचकांनी नोंद घ्यावी. धन्यवाद!