परंडा आगारात नव्या ५ एसटी बसांचे आगमन; माजी आ. सुजितसिंह ठाकूर यांच्या हस्ते पूजन. ग्रामीण भागातील प्रवाशांना मिळणार अधिक चांगली वाहतूक सेवा; विद्यार्थी, शेतकरी व व्यापाऱ्यांना मोठा दिलासा. Arrival of five new ST buses at Paranda Depot; ceremonial inauguration performed by former MLA Sujitsinh Thakur.

परंडा आगारात नव्या ५ एसटी बसांचे आगमन; माजी आ. सुजितसिंह ठाकूर यांच्या हस्ते पूजन.

ग्रामीण भागातील प्रवाशांना मिळणार अधिक चांगली वाहतूक सेवा; विद्यार्थी, शेतकरी व व्यापाऱ्यांना मोठा दिलासा.

Arrival of five new ST buses at Paranda Depot; ceremonial inauguration performed by former MLA Sujitsinh Thakur.

परंडा, दि. ७ (रंगोली न्यूज) – Arrival of five new ST buses at Paranda Depot; ceremonial inauguration performed by former MLA Sujitsinh Thakur. महाराष्ट्र राज्य मार्ग परिवहन महामंडळाच्या परंडा आगारात नव्याने दाखल झालेल्या पाच एसटी बसांचे पूजन भाजपा नेते तथा माजी आमदार सुजितसिंह ठाकूर यांच्या हस्ते करण्यात आले. यावेळी धाराशिव जिल्हा परिषदेचे कृषी व पशुसंवर्धन सभापती भाऊसाहेब खरसडे प्रमुख उपस्थित होते.

परंडा आगारात नव्याने समाविष्ट झालेल्या या बसांमुळे तालुक्यातील ग्रामीण भागातील प्रवाशांना अधिक चांगली व सुरक्षित वाहतूक सेवा उपलब्ध होणार आहे. विशेषतः विद्यार्थी, शेतकरी, व्यापारी तसेच सर्वसामान्य नागरिकांच्या प्रवासाची सोय अधिक सुलभ होणार असून, आगाराच्या सेवाक्षमतेतही वाढ होणार आहे.

या पूजन कार्यक्रमास भाजपा तालुकाध्यक्ष अरविंदबप्पा रगडे, नगरसेवक रमेशसिंह परदेशी, माजी नगरसेवक शब्बीर (मामू) पठाण, भाजपा तालुका उपाध्यक्ष डॉ. अमोल गोफणे, साहेबराव पाडुळे, प्रवासी संघटनेचे तालुकाध्यक्ष किरण शहा, परिवहन महामंडळाचे विभागीय वाहतूक अधीक्षक संतोष कोष्टी, परंडा आगार प्रमुख रामचंद्र शिंदे यांच्यासह आगारातील चालक, वाहक, तांत्रिक विभागातील कर्मचारी व इतर मान्यवर मोठ्या संख्येने उपस्थित होते.

यावेळी उपस्थितांनी नव्याने दाखल झालेल्या बसांमुळे परंडा तालुक्यातील प्रवाशांना अधिक दर्जेदार व नियमित परिवहन सेवा मिळेल, असा विश्वास व्यक्त केला.

आपल्या परिसरातील बातम्या व इतर घडामोडी 🤳पहाण्यासाठी हक्काच "रंगोली न्युज" डिजीटल मिडीया वेब पोर्टल.

👉 रंगोली News 👉 www.rangolinews1.com या संकेतस्थळाला भेट द्या!